Guntis i Kristaps (Guntis Rasims i Kristaps Rasims) – nu jau daudzu godu latgalīšu kuļturys dzeive bez jīm ir gryutai īdūmojama. Jī obeji ar dūmubīdrim izveidova muzykys grupu „Bez PVN” (Bez PVN), kas laika gaitā ir pamainejuse sastuovu i nu jau septeņpadsmytū godu prīcej na tikai Latgolys, tok ari puornūvodu rokmuzykys klauseituojus. Paguojušuo goda rudinī beleti iz jūs koncertu „Gora” (Latgales vēstniecība GORS) lelajā zalā tyka izpuordūti i škārsteiklā ceļova regulari vaicuojumi piec kaida breiva beleta. Tagad jau ir izvielāts datums nuokamajam lelajam koncertam – ituo gods 21. novembris.
Dzeivis leluo skriejīņa vydā atsasāstam trejatā pi kuhneitis gaļdeņa i, dzerūt čaji i gondreiž vysu laiku īsmīdami, pasarunojam par bruoļu savstarpejūs attīceibu kimeji, kas aizvin dūd jaunys idejis i jaunys dzīsmis. Pī tam rudinī ir gaidams ari jauns grupys dzīšmu albums.
Apbreinojami – nu molys pasaverūt, jīm tai vyss vīglai saīt. Dora tū, kas pošim pateik, i tū, kas pošim ruodīs svareigs!