Sandra Ūdre
Vosoruotuoji sovu ūtrū dorbadīnu nūslēdze ar gryutā dorbā (latgalīšu pareizraksteibys labirinti pa lītvuordu deklinacejom i darbeibys vuorda calmim) nūpeļneitu guņs rytualu i atteirūšūs zuoleišu kiupynuošonu Anitys Ludboržys vadeibā Kroma kolnā (najaukt ar Kroma kolna bruolisti!) – senejā latgaļu piļskolnā.
Rēzeknis 5. vydškolys suokumškolys školuotuojis Aelita Andrejeva i Rēzeknis Vaļsts pūļu gimnazejis školuotuojis Ingūnys Zeilis nūvodvuiceibys satura pīredzis stuosti izavērte dzeivuos diskusejuos. Ingūna īpazeistynova ar kai „nu cepļa izjimtū“ izgleitojūšū kruosojamū gruomotu „Ieskats Rēzeknes vēsturē“. Kai izaruoda, tys, cik školā vysaidūs formatūs teik īlykts patriotisms par sovu dzymtū vītu i volūdu, daudz atkareigs nu školuotuoja.
