Rogovkā suokušīs školuotuoju kursi „Vosoruošona 2017“

Rogovkā pi Nautrānu vydškolys itūreit, 16. augustā, tyka pacalts Vosoruošonys karūgs. Kai kursantus uzrunuodama i veseleigu zuoleišu puču slūtys duovynuodama, jūkuoja direktore Anita Ludbuorža: „Ka kaids praseis, kas par vaļsts karūgu tys ir, atbiļdeisim, ka Vosoruošonys.“ Vyspuor humors Rogovkā eipašs, kai jau pi „trokūs“.

IMG_6049

Tai jau ir, ka vosoruošona tok ir na viņ vaļsts, a vasals pasauļs – ar „vacūs zaldatu“ īdybynuotom, dajiuktom lītom, kotrys reizis jaunynuojumim. Kai sovejūs sovejuos sagaida profesoris Lideju Leikumys i Ilgu Šuplinsku. Poša vosoruošonys tradiceja suokta jau 2000. godā Rogovkā, reikuotuoji bejuši na viņ rogovkīši. Tok piec paguojušuos reizis, reikuotuoju stafeti otkon paturiejuši. Kū te dora? Tys radīs, kab latgalīšu rokstu volūdys, literaturys i kulturviesturis, a niule aktualuokā formatā – nūvodvuiceibys, vuiceišonys entuziasti var pasapyldynuot zynuošonuos, diskutēt par problemom. Itūreiz pasūleits vairuok „damīgt“ gramatiku, tok pyrmuo nūdarbeiba ir par vuiceibu leidzekļa „Gostūs pi Boņuka“ izmontuošonys īspiejom i prīškā treis pylnys dorbadīnys (8.30–20.30).

krasainais_logo