„Vosoruošonā 2017“ nūstruoduota pyrmuo dīna

Sandra Ūdre, Žurnāls A12
16.augusts vosoruotuojim paguoja kai dorba zeimē. Nūmetnis atkluošonā saceitais, ka juodaboj slapņa mugara, teišom nūzeimoj, ka sertifikats par kursu beigšonu tiks dūts viņ piec puorbaudis dorba latgalīšu rokstu volūdā nūkuortuošonys. Partū profesoris Lidejis Leikumys lekcejā par latgalīšu volūdys skaņom, koč dažim pamatlītu atkuortuošona, nūpītnuoka attīksme kai cytys reizis. Profesoris Ilgys Šuplinskys lekcejuos par nūvodvuiceibā izmontojamim leidzeklim i metodiku golvonais pīzynums – nūvodvuiceibai svareiga muna pīredze. Ceļu iz latgaliskū stuņdēs var atrast caur školānim tyvom lītom i kaitom (spēlem). Vosoruotuojim tyka pīduovuots atrast sovu latgaliskū puči – kam nešporka, kam nagatka, kam mogona, kam žyužērne. Sovpateigs tests i izzinis materials reizē.
Sovutīs psihologs Kaspars Bikše vīnkuorši par sarežgeitū – vuiceišonuos efektivitate, a floriste Maija Gailuma pruota atpyutai pīduovova nu dobys materialu sataiseit aprūci. Īsapazeišonys vokorā kūpejis dzīsmis pi guņskura i dalinīku pīredzis stuosti par vajadzeibu te byut. Kaidim nu puornūvoda tei ir pagaisynuotūs sakņu atrasšona nu jauna.

krasainais_logo