Pi kūka dorbu meistara Dubencā

Sandra ūdre, Foto: Māris Justs

Nu kam vēļ dorba vide tik veseleigi smuordeiga, ka na tim, kas dabiski apstruodoj kūku? Kur vēļ godu tykstūšom kūksnis materialā īkodātuo cylvāka sakralūs prīškstotu energetika! 4.– 2. godu tyukstūšā pyrma Kristus cylvāki pat ticēja, ka dvēselis īsamīsoj kūkūs. Vāluokūs laikūs bierzs, atseviški augūšs dižkūks varēja kolpuot par svātvītu, zīduojumu oltori, dīveibu mitekli.
Dorbareikus, kurūs izmontova veirīts, darynova nu ūzula, a tūs, kurūs izmontova sīvīte – nu līpys. Kristticeibā Jezus beja gaļdnīka svātuo Jezupa audžudāls i tyka pīsysts kūka krystā. Par vysakuo darynuošonu nu kūka myusu dīnuos un tradiceju atteisteišonu stuosta amatnīks Juoņs Spureņš (Jānis Spuriņš) Vuorkovys nūvoda Rūžkolnu pogostā.

“Var saceit, ka asmu dzymtys tradiceju puormontovs, bet naapzynuotai. Kod vacaistāvs kū taiseja, es tī pat ni reizis naīguoju. Tāvs beja taisejs kubuleņus i vysakū. Taipat napasavieru, kū jis dora i kai tū dora. Tāvam ari patyka pa mežu staiguot un meklēt vysaidus lītyskūkus. Pogostā nav sātys, kur nabyutu tāva taiseituo kuota sokumim voi lopstai. Maņ prosa, lai ītaisu kuotus, veikalā pierktī dreiž beigti. Tys knifeņš tymā, ka izmontuots na ar zuodži grīztais, a škaltais razgaļs. Partū vaira tuoļuok napleist. Grīztajam škīzna īt škārsum, a škaltais voi plāstais pa škīznu izpleist, jū viņ apievelej. Karūtis ari nu škaltuo taisa. Nu ūtrys pusis, vīns saceja – nikuo nanūpeļneisi, luopsteņa kolpoj i kolpoj.”

Pilns teksts žurnālā A12 Nr. 3/2017

Lai lasītu šo rakstu, Jums jābūt drukātā žurnāla A12 abonentam.
Ja vēl neesat A12 abonents, aicinām abonēt Latvijas pastā vai zvanot uz A12 redakciju  pa tālr.28696254 (abonēt uz ārvalstīm iespējams tikai zvanot uz redakciju). Abonējot  žurnālu, saņemsiet to katru otro mēnesi savā pastkastītē.