30.novembrī i 1. decembrī Rēzeknis Tehnologeju akademejā latgalistikys cykla nūslādzūšuo konfereņce „Myusu dīnu latgalīšu volūda“, veļteita myusu dīnu latgalīšu raksteibys pyrmuos normativuos apsprīdis 110 godu jubilejai i pošreizejūs raksteibys nūsacejumu desmit godim. Patīseibā, tū pīzeist ari organizatori, tei ir sovejūs kuortrejuo tikšonuos.
Diskusejā „Medeji Latgolā, jūs sasnīdzameiba i saturs“ sacynuots, ka ari finansiejumu latgaliskajam varams dabuot, kod individualuos i organizaceju sarunuos tys mierķtīceigi tiks praseits. Golvonuo „vāzda ar div golim“ diskusejā „Latgalīšu literaturys šudiņdīna, reitdīna voi vakardīna?“ – napīpraseitais latgaliski raksteitais vuords i autoru pošizpausme. Šudiņdīnys diskuseja „Myusu dīnu latgalīšu volūda: padareitais i doromais“.
Andryva dīnys pasuocīnī vyss ap Raibuo trešuos gruomotys „Pistacejis“ krystobom, partū puorejī spolvys bruoli i muosys raudzeibu gostu lūmā. Ir vīta kaitai – kotram skaiteituojam saīs sovs stuosts i asociacejis par 1) rīkstenim; 2) koč kū pi stacejis ci 3) pist…
